உங்களுக்கு நிறைய கவலைகள்
உங்கள் பர்சுகளில்
பணம் குறைந்திருக்கலாம்
உங்களது கேர்ள் ஃபிரண்ட்
சண்டையிட்டிருக்கலாம்
உங்களது இருசக்கர வாகனம்
கிளம்ப மறுத்திருக்கலாம்
இன்னும் இன்னும் சில பல காரணங்கள்
இருந்ததனால்
ஒரு ஓரத்தில் கிடக்கும்
என் விண்ணப்பத்தை
நீங்கள்
கவனிக்காமல் இருந்திருக்கலாம்.
உண்ட கையைக்
கழுவ நேரமில்லாமல்
பேப்பரில் துடைக்க விழையும் நீங்கள்
என் விண்ணப்பத்தில்
கைதுடைக்கும் முன்பாக
அதன்
கடைசி வரியை மட்டுமாவது
படியுங்கள் அய்யா..

அது சொல்கிறது :
எனக்கு
ரொம்பப் பசிக்கிறது சாமி..